Lov om endringar i bustøttelova (bustøtte til enkeltpersonar i bukollektiv)

Kunngjort 21.10.2016 · LTI/lov/2016-10-21-82 · Kommunal- og moderniseringsdepartementet

Lov om endringar i bustøttelova (bustøtte til enkeltpersonar i bukollektiv)

Endringar i følgjande lov:

Lov 24. august 2012 nr. 64 om bustøtte (bustøttelova).

I

I lov 24. august 2012 nr. 64 om bustøtte skal § 5 lyde:

§ 5. Krav til bustaden

Vilkår for å få rett til bustøtte er at bustaden

er godkjend som bustad
er ein sjølvstendig bustad med eigen inngang
har eige bad og toalett og gjev høve til matlaging, og
gjev høve til kvile.

Personar som av helse- eller sosialfaglege årsaker bur i eit bufellesskap utan å høyre til same husstand, kan få bustøtte på individuelt grunnlag dersom kommunen godkjenner at bustaden er eigna. Kommunen kan i vurderinga av om bustaden er eigna gjere unntak frå kvalitetskravet i første ledd bokstav b. Kommunen kan også gjere unntak frå krava i bokstav c dersom funksjonane som er nemnde der, er del av bufellesskapet elles.

II

Lova gjeld frå den tida Kongen fastset.

Teksten slik den opprinnelig ble kunngjort i Norsk Lovtidend — ikke gjeldende versjon. Kilde: Lovdata (NLOD 2.0).